有人話過...你每一個決定...每一個行動都會影響你既未來
細個既時候真係唔會明白...亦唔想明...畢竟當時太細...邊識諗呀
當我明白當中既意義既時候....我已經考完第一次會考...準備考多次lu
睇到呢度...可能你地會笑...會考姐...你估打仗咩...邊有咁嚴重丫
當然啦....會考只係成個人生旅程入面一個小小既考驗
但係問心嗰句丫....當年你考既時候...甚至放榜嗰刻...你都一定緊張過
曾經係人生既一大關口....不思量架....自難忘囉
每當諗起會考呢...其實都幾矛盾
先苦一下...
一堆堆書擺係房
(你知自己一定睇唔晒既....但係又要copy又要借...練習越多越好...做唔晒都要放係度....求個安心咁...諗落真係好師奶)
好多野想做不能做...因為要溫書嘛
就算唔係溫書...你都唔會想放自己去玩
仲有一個月...成幾個topic未睇過...
做pp(姐係past paper...等大家集體回憶下既~)
嗰年難既話低分啦...但係度年易又唔係高分喎...
真係諗起都勁頹廢
但係只要諗返起....
明明無修art既...但係你d筆記呀書呀總會搵得返自己同班fd既墨寶啦
明知無晒時間唔玩得架啦....都仲要鼠去玩去hea下既happy hour啦
因為少左時間訓教...所以會好珍惜訓落床嗰一下啦
有段時間green sleeves變左催眠曲啦
明明好有心機溫書既...坐左陣就變左扒起張床度溫....最後一定係訓教收場啦
人生入面第一次唔同爸爸媽媽同枱食晚飯都唔會比人話....溫到咁上下呀媽會拎湯入房比你飲啦
仲要轉死性咁叫你唔好溫到咁夜....小心身子(我當時有一刻以為呀媽比鬼上左身囉)
都真係幾開心架...
家陣都無左會考...hkal又話得返最後兩年
會考對香港黎講...已經係歷史
但係對於我黎講...係人生既一個必經既過程
一個好壞參半....充滿回憶既經歷
沒有留言:
張貼留言